Fontoria va intepretar temes del so segundu discu n'Uviéu

Ufre un conciertu nel Manglar Ecosistema Cultural col formatu de pagu a la salida.

El grupu de folk-rock progresivu Fontoria va actuar esti sábadu n'Uviéu. La formación de Piloña, que ta trabayando nel so segundu discu 'El máxicu viaxe de Fionna de Morlay', del que se pueden ver adelantos en YouTube y que, de nun haber novedá, va salir a la venta pa últimos d'abril, va interpretar dalgunos de los temes d'esti trabayu y del so primer álbum, 'Nordés', asoleyáu nel pasáu abril.

Éstos beben de soníos progresivos amestaos con tradicionales, inclusive d'otros llugares como Breizh, Piemont o Europa central. Tamién vense pincelaes de neoclasicismu, folk barrocu de los 60 y 70 del sieglu XX y dalgún esperimentu cola música de vanguardia.

L'actuación de Fontoria principia a les 20 hores. La entrada ye de baldre, baxo'l formatu de pagu a la salida colo que'l públicu considere apropiao.