Fomentu anuncia que'l tramu Muros-Las Dueñas completaráse esti añu y l'Autovía del Cantábricu abrirá al tráficu nel 2013

UVIÉU, 19 de Xunetu (EUROPA PRESS)

La Conseyería de Fomentu, Ordenación del Territoriu y Infrestructures, Belén Fernández, anunció esti xueves que'l tramu de l'Autovía del Cantábricu ente Muros y Las Dueñas va completase esti añu 2012, mientres que'l restu de tramos pendientes de la vía van abrir al tráficu nel 2013, incluyíu'l tramu Unquera-Pendueles, nel oriente, pese a que les dificultaes del últimu modificáu d'obra y anque les previsiones presupuestaries estatales tán nun "escenariu distintu".