Folkgando va dar el so caberu conciertu

Anque la selmana pasada diose anuncia que "Folkgando" desfacíase, inda vamos poder velos esti fin de selmana na que se supón última actuación del grupu ayerán.El conciertu ye na Pola L.lena esti vienres, y según nos cuenta'l gaiteru Santi Caleya, líder de la banda, va ser el conciertu de pieslle de la carrera de "Folkgando", asina que toos aquellos que vos preste'l folk d'estos Ayeranos nun podéis perder la oportunidá. El conciertu va entamar a eso de les 23:30, y depués de "Folkgando" tarán enriba del escenariu los mierenses "Skanda", asina que va ser una nueche de folk contundente, con guitarres eléctriques y bateríes. El domingu va ser enforma diferente, a les 19:30 y tamién na Pola L.lena, conciertu de "La bandina" y los "Ciquitrinos", dos grupos con formes bien diferentes d'interpretar la música asturiana en comparanza colos del vienres, asina que podéis escoyer l'estilu y día que más vos pete.

Contador Estadistiques