Fina un montañeru en La Torre Cerréu

Santanderín de 42 años, cayó per un desnivel de 200 metros mientres baxaba la cume.

M. A. O. G. taba acompañáu por un amigu cuando tuvo llugar esti fatal accidente na vía normal de La Torre Cerréu, nel conceyu de Cabrales. Hasta'l lugar acudieron n'helicópteu medicalizáu los integrantes del Grupu de Rescate de Bomberos del Serviciu d'Emerxencias del Principáu d'Asturias (SEPA) y, tres acceder hasta el montañeru, el médico-rescatador del equipu sólo pudo confirmar que ésti morriera, encargándos del llevantamientu del cadabre'l Grupo de Rescate e Intervención de Montaña (GREIM) de la Guardia Civil.

El Centru de Coordinación d'Emerxencies recibió l'avisu a les 14:52 hores d'ayeri del accidente, que dexó'l cuerpu del montañeru nun neveru a la base del picu.