Fina la bioquímica Margarita Salas

|
Margarita Salas 2011 doctora honoris causa UNED pola UNED

La valdesana, discípula de Severo Ochoa, morrió con 80 años en Madrid por un paru cardiacu tres una complicación d'una dolencia dixestiva que diba llevala al quirófanu.

Margarita Salas dedicó tola so vida a la ciencia, que nunca abandonó. Ente los sos llogros sobresalen los avances nos sos estudios sobre un virus, el bacteriófagu Φ29, con múltiples aplicaciones bioteunolóxiques, anque hai que destacar que la so llista d'aportaciones científiques ye inmensa.

La gran científica asturiana sumó numberosos reconocimientos en vida, tando ella especialmente arguyosa de la so incorporación como miembru de la estauxunidense National Academy of Sciences. Pola so trayeutoria y llabor, Salas convirtióse nun referente pa toles muyeres científiques y pal mundu asturianu de la ciencia.

Na imaxe, Salas nel 2011 nel momentu de ser nomada doctora honoris causa pola Universidad Nacional de Educación a Distancia (UNED). Semeya propiedá de la UNED baxo llicencia CC BY 2.0.

Contador Estadistiques