Fina d'un infartu Wenceslao González, alcalde d'Eilao

El socialista, de 53 años, cumplía la so primer llexislatura al frente del conceyu del occidente.

Wenceslao González Rico, alcalde d'Eilao, finó esta tarde d'un infartu. Compañeros del partíu, como'l secretariu xeneral de la Federación Socialista Asturiana (FSA-PSOE) y presidente d'Asturies, llamentaron la so perda en redes sociales.

Llevaba dellos años en política, pero foi nel 2019 cuando lideró la candidatura socialista, algamando la mayoría absoluta con 4 ediles. La coalición Izquierda Xunida(IX)-Izquierda Asturiana (IAS) cuenta con 2 y el PP, con 1.

Na semeya, González Rico y Manuel Calvo, direutor xeneral d'Alministración Llocal, nel mes de marzu n'Eilao.