Fernández Villa, ingresáu otra vuelta nel HUCA

Por una insuficiencia cardiaca la mesma nueche na qu'arrancó'l so xuiciu depués d'un parón al sufrir una anxina de pechu.

José Ángel Fernández Villa acudió anueche al Hospital Universitariu Central d'Asturies (HUCA) al encontrase mal, quedando ingresáu por una insuficiencia cardiaca. Esta situación dase'l mesmu día nel que l'ex sindicalista tornía a sentase nel bancu de lo acusaos nel xuiciu por una supuesta apropiación indebida de 434.158 euros del SOMA-UXT cuando yera'l so secretariu xeneral.

Esta vista celebróse depués d'un parón por cuenta d'otru ingresu hospitariu, nesti casu por una anxina de pechu, qu'obligó al líder mineru a tar seis díes nel hospital. Tres la d'ayeri, queden entovía dos sesiones más de xuiciu oral, el llunes y el miércoles, qu'agora queden nel aire.