Felpeyu actua nun conciertu solidariu con Galicia

Los xixoneses Felpeyu actuen mañana pela nueche en Corme, pueblu de la costa gallega, nun conciertu homenaxe a los voluntarios que tuvieron llimpiando les playes y pedreros de galipote. El festival lleva'l nome de "Mar ferido", y entámenlu "A Confraría de Pescadores", l'"Asociación contra o Cancro", l' "Asociación de Veciños 'Eduardo Pondal'" y la "Plataforma Nunca Máis" d'esta villa, siendo la entrada de baldre a esti conciertu que presenta l'escritor Manuel Rivas. Amás de los asturianos, tamién van tar "Oskorri" (Euskadi), "Luar na Lubre" (Galicia), "Saltabardales" (Cantabria), "Airiños de Luaña" (Galicia); y el dúu teatral "Mofa e Befa". Una perbona forma de xuntar al traviés de la música a les zones afeutaes pol galipote, anque échense en falta representaciones de Francia o incluso de Portugal, tamién dañaes pol galipote. Con too y con ello ye de reconocer el bon trabayu de protesta y denuncia que tan faciendo colectivos como "Nunca Mais".