Felpeyu actua en Baiña

Esti vienres hai coincidencia de nueches folk n'Asturies, en Xedré y nel pueblu de Baiña del conceyu Mieres.Pa los que nun vos pete la ufierta de Xedré podéis dir pa Mieres, más concretamente pal pueblu de Baiña, onde vamos poder ver a cuatro grupos, un d'ellos procedente d'Irlanda. El conciertu entamará sobre les diez de la nueche con "Liliana Castañón Quartetu", un proyectu d'esta cantante de tonada col que quier abrir nuevos campos a la canción asturiana, venceyándola con soníos como'l jazz. Depués actuen "Bron", los uvieinos que siguen la estela de grupos como "Llan de Cubel" o los siguientes en subise al escenariu, "Felpeyu", que vienen d'actuar en Galicia, y esta va ser una de les poques oportunidaes de poder ver a la banda xixonesa n'Asturies. Nel conciertu van tocar temes del que va ser el so nuevu discu que s'espera salga pa esta seronda.Pa pesllar la nueche tarán los "Stompers", que polo que pudimos saber tienen un estilu de folk asemeyáu al de los "Waterboys" o "The Pogues", folixa irlandesa pa da-y el toque final de la nueche. Pa los que vayáis dir al conciertu vamos ponevos otra vegada'l comic que cuenta la historia de la xira de "Felpeyu" per Australia, pa que busquéis los paecíos de les caricatures colos músicos de carne y güesu.

Contador Estadistiques