Familiares y amigos denuncien que Fernando G.R. ta en módulu d’aislamientu

La plataforma de Familiares y Amigos de Fernando G. R. presu a espera de xuiciu na cárcel de Navalcarnero n'aplicación de la llei Antiterrorista dempués de que la policía lu detuviere colocando una bomba casera na sede del PSOE de l'Infiestu la madrugada del 9 de setiembre, denunció que les autoridaes treslladaren al presu al módulu d'aislamientu de la prisión madrileña. Según los allegaos a Fernando G.R. ello supón una mengua grave de los derechos del deteníu, que pasa a tener una hora diaria de salida al patiu, queda coles pertenencies personales menguaes al mínimu y queda ensin derechu a visites personales "vis a vis". El grupu d'amigos y familiares, que sigue convocando concentraciones de sofitu a Fernando G.R. tolos xueves a les 7,30 de la tarde na plaza'l Parchís de Xixón denuncia qu'ello supón una situación de "ensañamientu" pa con un presu que yá tien de sufrir el tar a a 500 kilómetros de distancia de la so familia y manifiesta que l'aplicación de la llexislación antiterrorista ta faciéndose "ensin preba ninguna que xustifique tanta escepcionalidá".