Falleció'l músicu Jorge Mochales, del grupu "Brenga Astur"

Nel día d'ayeri fallecío en Porrúa'l músicu Jorge Mochales, miembru del grupu Brenga Astur, arriendes de ser ún de corresponsables del Muséu Etnográficu de Porrúa, localidá na que residía. Asturies.com facer llegar el so sentíu pésame a los sos familiares y amigos.

Jorge Mochales falleció de manera repintina na so casa y, pel momentu, les causes exactaes de la muerte inda tán concretar, pendientes de l'autopsia que se-y va realizar nel día de güei nel Hospital de Cabueñes de Xixón. Jorge Mochales tenía 30 años, interviniendo en Brenga Astur, tocando les xiblates irlandeses y escoceses y la mandolina, amás de facer delles voces. Esti madrileñu asitiáu en Porrúa (Llanes), onde vivía cola so muyer, la cantante folk asturiana Marta Elola, tamién desenvolvió un importante llabor de divulgación de la cultura tradicional asturiana, al traviés del so trabayu nuna de les más interesantes instalaciones dedicaes a la etnografía del país, el Muséu Etnograficu de Porrúa.