'Fálame' va emitise de mañana y de tarde

La TPA programa'l primer capítulu pa esti domingu a les 9.15 y a les 17.25 hores.

'Fálame', el programa infantil en llingua asturiana que va percorrer les escueles del país, yá tien horarios confirmaos. Como taba anunciao, va estrenase a les 9.15 hores, anque, como novedá, va repetise pela tarde, nun horariu más familiar, como reclamaba la productora, Médula.

El Colegio Público Río Sella, de Les Arriondes, protagoniza'l primer episodiu, nel que los neños y neñes de Llingua Asturiana van falar asturianu al traviés de xuegos, cantares o actividaes propuestes pol profesoráu. Pop Piquiñín va participar tamién en 'Fálame' cola interpretación d'un cantar en caún de los 26 episodios previstos nesta primer temporada.