FAC pide la comparecencia de los direutores de la RTPA y del Niemeyer

Los diputaos Cristina Coto y Juan Sancho Michell anunciaron esti martes que FAC solicitó la comparecencia na Xunta Xeneral de los direutores de la RTPA y del Niemeyer. Afirmaron que’l centru avilesín nun paga la lluz dende marzu.
 
D’esta forma, Foro Asturias Ciudadano (FAC) pretende afondar na deuda supuesta que tanto la RTPA como la Fundacion Centro Cultural Niemeyer arrastren dende enantes de les eleiciones de mayu. Nel casu concretu del ente públicu, el partíu de Francisco Álvarez-Cascos tien sospeches de que Juan José Guerenabarrena "utiliza la retención de creitu como escusa. Coto indicó que nun quedaron clares delles cuestiones na so comparecencia última y recordó que’l responsable de RTPA reconociera las deudas "d’enantes del cambiu de gobiernu".
 
La diputada incidió na situación del personal venceyáu al ente y no que denominó "cesión illegal de trabayadores" a empreses, dalgo que "ye intolerable nuna televisión pública". Per otru llau, criticó les retransimisiones de Fórmula-1 y el partíu n’abiertu de Primera que tamién emite La Sexta, lo que denominó "un exerciciu de derroche" col dineru de los presupuestos. Para Coto, ésta y otres cuestiones, como “la financiación tapada” por parte d’otres conseyeríes, nun quedaron clares, polo que pretende volver a interpelar a Guerenabarrena.
 
Nel casu del Niemeyer, Michell criticó que los asturianos "nun conozan les cuentes" de la Fundación dende’l so aniciu, nel 2007, polo que pidió al so direutor, Natalio Grueso, que "fale en sede parllamentaria y non en medios de comunicación". Tamién criticó-ypor "calificar de gandaya" al Gobiernu asturiano y entrugóse si Grueso "tien mieu al pronunciamientu inminente de la Intervención Xeneral" sobre les cuentas de la infraestructura cultural. Los dos diputaos de FAC aseguraron que la instalación avilesina "nun paga la lluz dende marzu".