FAC consigue reunir 17.565 apoyos na Comunidad de Madrid

Foro Asturias va poder presentase pola Comunidad de Madrid tres reunir el triple de les firmes necesaries pa participar nes eleiciones: 17.565. Carlos Bousoño va ser el cabeza de llista, mentes qu’Enrique Álvares Sostres va lliderar la d’Asturies.
 
El partíu de Francisco Álvarez-Cascos sumó 17.565 apoyos na comunidá madrilana, mentes que n’Asturies algamó 29.403. Nel casu del nuesu país, Foro Asturias Ciudadano (FAC) necesitaba conseguir 989 avales según la esixencia de la Llei Orgánica de Réximen Eleutoral Xeneral (LOREG), modificada en xineru polos dos partíos mayoritarios, qu’obliga a les formaciones estraparllamentaries el presentar les firmes del 0,1 de los votantes pa poder participar nes eleiciones por una circunscripción.
 
La Comisión Directiva Regional de Foro designó a Enrique Álvarez Sostres como cabeza de llista al Congreso de los Diputaos por Asturies. El diputáu ta acompañáu, por esti orde, por Laura de Lázaro Santos, el piragüista Manuel Busto Fernández, Amado González Hevia 'Favila', Ana Isabel Martínez Castañón, José Manuel Fernández Lavandera, Belén Blanco Fernández y Elisabeth Estefanía Arrojo Álvarez. Como reserves tán Emilio Moreno Suárez, Pablo Calvo Labra y Elpidia Quintana Alonso.
 
Na llista al Senáu, los tres nomes que presente FAC son Miguel Ángel Conde, Patricia Díez Isla y José Luis Magro Esteban, con Elena González Acebo y Abel Menéndez Salas como reserves del primer candidatu; Mari Paz García del Real Carrillo y Jorge Prieto Llames, de la segunda; y l’asturianista Xicu Díaz Yepes y Lucía Otero González, del terceru.
 
Nel casu de la Comunidad de Madrid, onde FAC se presenta como Foro, Carlos Bousoño Calzón tien como compañeros de llista al catedráticu de medicina Rafael Enríquez de Salamanca Lorente, al inxenieru Gonzalo Millán Adaro, Rosa María Prada Pérez, Javier Tejedor García, José Díaz Canseco, María Visitación Hernández Hernández, María López Iglesias, Agata Jiménez Martínez, Carlos Montes García, Sonia Hijarrubia San Miguel, Luis Álvaro Arribas Navarro, María Pilar Suarez Portalés, Gonzalo Alberto Rivera Escribano, María Belén Alvarez Cotroneo, Juan Manuel Escolar López, María Cristina Díaz Rivero, Luis Agustín Yáñez Rodríguez-Valdés, Begoña Blanco Maldonado, Emilio Jaráiz Puig, Susana Alcoceba Rodríguez, Daniel Martínez Martín, María Luisa Isac Gassol y Federico Gil Ibáñez. Mentes, Juan García-Bernardo Junquera, Sara Luján Maeso y Jacobo Martínez Elduayen foron designaos como candidatos pal Senáu.