Eva Tejedor va falar sobre'l ramu nuna actividá de la Lliga Celta

Va celebrase na sala de conferencies del avilesín Palaciu de Valdecarzana.

'El ramu asturianu: una visión etnográfica' ye'l nome de la charra qu'Eva Tejedor va poner el vienres dientro del programa añal d'actividaes qu'entama la Lliga Celta d'Asturies. Nella va falar sobre l'orixe d'esti elementu tan destacáu del nuesu folclor, la so razón de ser, cómo y cuándo s'usa n'Asturies, y les celebraciones a les que ta venceyáu.

La intervención de la panderetera, docente y investigadora d'esti instrumentu va comenzar a les 18.30 hores, con entrada llibre. Dende la organización conviden a tola ciudadanía a asistir a esta conferencia de calter didáuticu que va tar presentada pol presidente de la Lliga, Fernán Morán.