Etelvino González descubre les hestories de la ilesia de La Oliva

L'historiador local de Villaviciosa Etelvino González va falar esti vienres a les ocho de la tarde naFundación José Cardín Fernández dientro del ciclu cultural d'esta entidá pa falar sobre les "Histories de la Ilesia de la Oliva" un títulu tres del que'l conferenciante, asegura que va a "sorprender" con socesos rellacionaos col monumentu de la Ilesia de Santa María de la Oliva dende que se llevantare nel sieglu XIII hasta que se restaurare apocayá.

Etelvino González López (Amandi, 1937) ye Doctor en Filosofía y Ciencies de la Educación y Llicenciáu en Teoloxía. Presidente de l'Asociación d'Amigos del Paisaxe de Villaviciosa "Cubera" tien publicaes bien de monografíes sobre Villaviciosa, anque lo más nuevo de la so obra ye la biografía del padre José Gafo, fundador del sindicalismu católicu y diputáu na II República, un trabayu pal que tuvo documentándose nos archivos vaticanos.