Estudiantes universitarios conviden a espertos a aldericar nel Milán sobre la oficialidá

La iniciativa lleva'l nome de '¿Qué ye la oficialidá? Implicaciones llegales y sociales'.

L'Asamblea Abierta d'Estudiantes d'El Milán entama esti alderique que va tener mañana como sede'l Seminariu d'Historia Antigua, na segunda planta del Edificiu Departamental d'esti campus de la Universidá d'Uviéu. Cola fin d'averar esti tema al restu d'estudiantáu y al públicu en xeneral, convida a cuatro espertos en dellos campos a afondar no que ye la oficialidá y lo que va suponer.

Asina, van garrar el micrófonu Ramón d'Andrés, el profesor y coordinador del Seminariu de Filoloxía Asturiana (SFL) de la Universidá d'Uviéu; Taresa Fernández Lorences, profesora y miembru tamién del SFL; José Manuel Pérez Fernández, lletráu del Tribunal Constitucional; y Llorián García Flórez, etnomusicólogu y gaiteru de Dixebra. L'actu va comenzar a les 17 hores.