Estrenes de cine

"American gangster",
l'últimu trabayu del director Ridley Scott -autor d'obres como
"Blade runner", "Thelma y Louise" o "Alien"- ye
protagonista dafechu de les estrenes de la selmana nes pantalles del
país. Protagonizada por Denzel Washington y Russel Crowe, la historia
narra l'apaición de la mafia del tráficu de drogues nos EE.UU a
fines de los años sesenta y principios de los setenta, y
l'enfrentamientu ente'l xefe de la mafia de Harlem y un policía
corruptu.

Per otru llau tamién llega a los nuesos cines una coproducción
europea titulada "El destino de
Nunik", que cuenta la historia del xenocidiu armeniu a manes de los
turcos en 1915. La película ta protagonizada poles españoles Paz
Vega y Ángela Molina. Mas estrenes y tolos horarios na
nuesa cartelera.