Éstos son los diez compromisos que solicita Aína a los diputaos que salgan escoyíos el 23-X

La formación asturianista de creación nueva alcordó nun presentase a estes eleiciones, pero tamién treslladar les sos demandes a los partíos.

Aína preparó un decálogu con midíes que son "pegoyos básicos pa la defensa d’Asturies nel Congresu y nel Senáu". Diez cuestiones que quier que los representantes d'Asturies nes Cortes que salgan escoyíos el domingu, 23-X, tengan en cuenta la hora de facer el so llabor.

"Entamen con un mensaxe claru: la defensa de los intereses d’Asturies y del pueblu asturianu perriba de los del propiu partíu", apunten dende la formación asturianista. Darréu siguen l'aumentu d'inversiones n'Asturies; midíes y medios contra'l machismu; la supresión del peaxe del Güerna; trabayu dignu y de calidá; la proteición y fomentu del patrimoniu cultural, y defensa d'un turismu caltenible que nun especule col derechu a la vivienda; meyores nos servicios de tresportes públicos, poniendo'l focu sobre manera nes cercaníes; inversión en salú mental y dependencia; abaratamientu de la enerxía llétrico; y defensa y reconocimientu de los derechos llingüísticos.

El partíu treslladó esti decálogu al toles formaciones democrátiques que se presente esti domingu a les eleiciones cola fin de que les sos diputaes y diputaos conviertan estes midíes en compromisos.

Na semeya, carpeta de trabayu d'Aína.