Éstos son los cartelos n'asturianu del Gobiernu y el Ministeriu de Cultura pol Día del Llibru

El 23 d'abril conmemórase esta xornada na que, per cuartu añu, l'idioma apaez al mesmu nivel que'l restu de llingües del Estáu.

El Día Mundial del Llibru y del Derechu d'Autor ye una fecha especialmente celebrada en tol planeta. Tamién n'Asturies y España, onde les instituciones entamen actos y asoleyen cartelos pa fomentar la llectura.

El Gobiernu asturianu organiza dos esposiciones, n'Uviéu y en Xixón, y eventos en toles biblioteques de la rede pública. Amás difunde un cartelu nel qu'emplega la pallabra 'llibru' n'asturianu, castellanu y gallego-asturiano.

El Ministeriu de Cultura celebra por esta fecha la 'Semana Cervantina' y tamién lleva actividaes a les biblioteques. Tamién asoleya un cartelu, obra de Luci Gutiérrez, Premio Nacional de Ilustración 2023, en toles llingües del Estáu.

La llingua asturiana preséntase como 'asturiano', y non como 'bable', término que s'utilizaba hasta agora pa esta xornada, y 'leonés'. Tamién hai versión en castellanu, aragonés, aranés, catalán, valencianu, eusquera y gallegu.