Espertos nel sector de la mazana asoleyen un llibru sobre los pumares

Manuel Coque Fuertes, Belén Díaz Hernández y Juan Carlos García Rubio son los autores d'un nuevu manual sobre'l cultivu de los pumares, nes sos variedaes pa sidra y de mesa. La edición del llibru ta patrocinada pol Conseyu Regulador de la denominación d'Orixe de la Sidra d'Asturies, y nella recuéyese tola información preciso pa poner una pumarada y atendela, esplicando dende los patrones normalizaos de mazanu disponibles hasta les técniques de poda pasando pel abonáu y los métodos d'inxertu. Amás de dar a conocer les meyores variedaes de mazana pa sidra, la obra reivindica'l papel de la mazana de mesa asturiana y especialmente'l de variedaes del frutu característiques del país, casu de la mingán o delles frasques de raneta que se diz que, anque arrequexaes pol espardimientu de la mazana de sidra, entovía puen tener un bon güecu en mercáu, a lo menos pa los consumidores asturianos.