España va pidir una investigación sobre los fechos d’El Aaiún

El ministru de Presidencia, Ramón Jáuregui, aseguró que'l Gobiernu va pidir que s'abra una investigación pa esclarar lo asocedío nel campamentu d'El Aaiún y qu'acabó cola muerte d'un menor sah.arianu.

En declaraciones a Telecinco recoyíes por Europa Press, Jáuregui calcó en que l'Executivu español sigue "confiando" na mediación internacional de la ONU y remarcó que se ta nel camín pa llograr una solución política y acordada col conflictu sah.arianu.
  
"El Gobiernu trata de caltener la relación d'amistá con Marruecos y tamos bien arguyosos de que se recuperare esa relación más allá de los incidentes. Ye un país bien importante pa España qu'ha collaborar diplomáticamente nel ámbitu internacional pa una solución pacífica del tema sah.arianu", calcó'l ministru de Presidencia.