Esiste una campaña en dellos medios pa perxudicar el procesu de recuperación toponímica, según los llectores d’Asturies.com

|

El 90 por cientu de los usuarios d’Asturies.com que participó nel nuesu ‘Conceyu Abiertu’ señala la esistencia d’una campaña por parte de dellos medios de comunicación pa perxudicar el procesu de recuperación toponímica. La RTPA sería ún de los señalaos.

La entruga plategada nesta ocasión yera ‘¿Esiste una campaña en dellos medios de comunicación pa perxudicar el procesu de recuperación toponímica?’, a lo qu’un 90 por cientu respondió que ‘Sí, vese cada vegada que se va aprobar un espediente’. Namái un 10 por cientu considera que “Non, son simples temes pa rellenar páxines o espacios”.

La RTPA foi’l mediu que recibió últimamente más critiques dao’l tratamientu que dio’l 5 de marzu al procesu en Salas, naquel momentu nel tramu de recoyida d’alegaciones al espediente propuestu pola Xunta de Toponimia. Baxo’l titular ‘Polémica abierta en Cornellana por el topónimo’ emitió una pieza informativa, na que recoyía opiniones de dellos vecinos de la población, que se calificó de tendenciosa.

Yá ye posible participar nun ‘Conceyu Abiertu’ nuevu. Nesta ocasión queremos conocer qué opinión tienen los nuesos llectores sobre l’impuestu de socesiones y la campaña puesta en marcha pal so desaniciu.

Contador Estadistiques