Errejón quier llevar la so iniciativa pal 10-P a Asturies xunto con EQUO

Más Madrid acudirá a les eleiciones baxo'l nome de Más País en delles circunscripciones.

Iñigo Errejón va ser el candidatu a la presidencia del Gobiernu d'una iniciativa nueva na izquierda que, según afirma, naz pa facilitar la formación d'un executivu progresista nel Estáu. Según esplicó ayeri na asamblea de Más Madrid, l'ex de Podemos pretende sumar y non dividir el votu d'izquierda, polo que la so formación presentaráse como Más País namái en dalgunes circunscripciones, poniendo como primer requisitu qu'haya en xuegu 7 escaños o más.

Ye'l casu d'Asturies, onde Errejón tien un prealcuerdu con EQUO pa dir xuntos, pendiente de l'apobación de la militancia de la formación ecoloxista.