E.On comprométese a nun dexar sin suministru a siete escueles de Mieres

El director comercial d'E.On España, Juan Ángel Manso, comprometióse a nun dexar sin suministru eléctricu a siete centros educativos públicos de Mieres, a pesar de que la deuda del Conceyu cola compañía ye superior a un millón d'euros. El responsable de la empresa caltuvo esti miércoles un alcuentru col alcalde, Aníbal Vázquez, nel qu'ofreció "la collaboración" de la compañía en tolo que'l Conceyu pueda precisar.