Eólica occidente

A primeros d'ochobre, el Gobiernu asturianu rompió la moratoria de dos años a nueves instalaciones de parques eólicos que decidiere poner nel 2001 énte lacantidá de pidimientos que llegaren a la conseyería d'Industria pa poner parques nuevos. Daquella taben daos de pasu seyes parques, de los que yá echó a andar el primeru en conceyu Tinéu. Col anunciu del director xeneral d'industria de que tan almitíos a trámite tres parques nuevos pa la parte d'Os Ozcos, los empresarios del turismu rural d'aquella parte punxéronse no peor, y recién dicho lo de los tres parques nuevos protestaron porque ven que'l mangar instalaciones supón un ataque al paisaxe, colo que'l tirón turísticu que tienen los conceyos onde viven y trabayen menguaría enforma, arriendes de qu'estos parques nun dexen réditu nengún pal conceyu. Axuntaos n'Asociación de Turismu Rural Ozcos-Eo, los empresarios de la zona tresformaron la protesta pública n'escritu d'alegaciones contra lo que pa ellos ye una auténtica hipoteca sobre los sos negocios. Benigno Pérez, presidente de l'asociación, diz que la otra selmana metieron pel rexistru un escritu nel que piden formalmente que vuelvan a poner la moratoria pa que que nunse dean más concesiones hasta que nun se faigan los estudios que faigan falta pa estudiar l'impactu ambiental y estructural que van tener sobre aquella parte los parques de molinos. Amás del impactu sobre los sos negocios, los hosteleros piden que s'estudien otres consecuencies, como l'efectu de los ruidos sobre'l ganao. Dende l'Asociación denuncien tamién la ironía histórica que supón el mangar estos parques en cuantes que van contra los planes de desarrollu rural que se ficieren nos 80, cuando Os Ozcos yá taben nuna barrena demográfica que los llevó de tener 2.000 habitrantes a los menos de 600 que son agora.Los parques que quieren poner agora nos Ozcos daríen un total de 100 mw de potencia, cuatro veces más que'l que yá ta foncionando en conceyu Tinéu, que necesita 37 molinos de 40 metros d'alto caún pa entregar 25mw y que llevantó una polémica curiosa nel conceyu de la que se fizoSobre l'impactu mediuambiental de los parques eólicos pues alcontrar abonda información nel web de la Coordinadora Estatal por un Allugamientu Racional de la Enerxía Eólica

Contador Estadistiques