Entréguense los Premios Princesa

|
Premios Princesa de Asturias 2018

L'uvieín Teatru Campoamor acueye esti vienres la entrega de los Premios Princesa de Asturias nes sos ocho categoríes. Dende una hora y media enantes, a les 17 hores, dellos coleutivos van manifestase contra la monarquía na plaza la Escandalera, concentración onde va haber presencia d'un bloque soberanista.

L’asistencia de la princesa Leonor, que va facer el so primer discursu públicu nel actu d’esta tarde, marca esta edición de los gallardones entamaos pola Fundación Princesa de Asturias. Los premiaos nesta ocasión son Peter Brook (Artes), el Museo Nacional del Prado (Comunicación y Humandaes), Salman Khan y la Khan Academy (Cooperación Internacional), Lindsey Vonn (Deportes), Siri Hustvedt (Lletres), Alejandro Portes (Ciencies Sociales), Joanne Chory y Sandra Myrna Díaz (Investigación Ciéntifica y Téunica) y la ciudá de Gdansk (Concordia).

De manera paralela ta convocada una concentración de protesta na Escandalera contra la monarquía, na que va participar un bloque soberanista entamáu por #LluchandoPolaSoberanía baxo’l lema ‘Asturies nun tien rei. República y Soberanía’. Esti coleutivu vien entamando estos díes conferencies dientro de la nomada Selmana Republicana, que se va completar con una espicha nel Llar La Llegra esta nueche dende les 21 hores.

Asiegu, Pueblu Exemplar

El XXX Premiu al Pueblu Exemplar d'Asturies, qu’entama tamién la Fundación con bases espublizaes nes trés llingües falaes nel país, foi p’Asiegu. Esta población de Cabrales va recibir mañana’l so gallardón nuna visita de la familia real d’España al completu.

Na imaxe, ceremonia del añu pasáu, colos premiaos na izquierda. Semeya obra d'Armando Álvarez.

Contador Estadistiques