Entamen les obres d'ameyoramientu de l'AS-227 ente Samartín de Llodón y Balmonte

L'actuación, cofinanciada con fondos FEADER, ye sobre un tramu de 9,5 quilómetros.

La empresa Alvargonzález Contratas arrancó coles obres d'ameyoramientu del firme nel tramu de l'AS-227 ente Samartín de Llodón y Balmonte. La Conseyería de Mediu Rural y Cohesión Territorial axudicó estos trabayos por 520.263 euros, que tienen un plazu d'execución de cuatro meses.

Nuna primera fase va llimpiase la carretera, turries y la rede de drenaxe. Llueu ta prevista l'aplicación de una capa de regularización de cinco centímetros, qu'incluyirá el fresáu de los segmentos qu'asina lo requieran y l'aplicación de una capa de rodadura de cinco centímetros más.

La intervención complétase cola reposición de la señalización horizontal, con marques viales na exa y nos bordes de la calzada; l'adecuación de la señalización vertical y la instalación de barreres. D'esti mou complétense unes obres que van incrementar la funcionalidá y la seguranza de l'AS-227, carretera que xune Samartín de Llodón, en Miranda, con Santa María del Puertu, en Somiedo.

Na imaxe, mapa de l'actuación facilitáu pola conseyería, nel qu'hai un error col topónimu Samartín de Llodón.