Entama'l foru alternativu

Anque hasta mañana nun empiecen les sesiones del conceyu del Ecofín, el Foru Alternativu yá ta funcionando, cola faculta de pedagoxía d'Uviéu como centru d'actividaes. Esti primer día nun ye nel hai más coses, pero de xuro que nun dexa de llamar l'atención la presencia de Lolo Rico, responsable nos años 80 del programa de tv "La Bola de Cristal", falando de medios de comunicación y globalización. Otramiente, el centru d'Uviéu ta tomáu de medíes de seguridá, y toles persones que lleven bultos y mochiles sos sospechoses. Nel portal Asturies Contrainfos alvierten de que les fuerces policiales detuvieron a una persona. Anque nun esclarien en que circunstancies se detuvo a esta persona, especifícase que ye un anarquista de Xixón que detuvieron ayeri de madrugada dempués de rexistrá-y el domiciliu.