Ensin contaxos nuna xornada na qu'hai que llamentar 6 muertes

El país nun rexistra una cifra tan alta de finaos dende'l 1 de mayu, cuando tamién hebo 6.

Asturies torna a nun tener contaxos nuevos tres enganchar cuatro díes siguíos con ellos, ente los que taben los 18 del biltu del Instituto Gerontológico Astur, con 1.041 muestres procesaes por PCR ayeri. Por contra, hai que llamentar 6 muertes, la cifra más alta dende hai 32 díes, que dexen el total de perdes por cuenta la COVID-19 en 321.

La cifra de pacientes ingresaos na UCI queda en 9, mentes qu'en planta hai 28. Les curaciones algamen yá les 1.735.