Ensin cartelos en La Collá y los qu'hai, mal puestos

|
Ensin cartelos en La Collá y los qu'hai, mal puestos

Iniciativa pol Asturianu denuncia énte'l Conceyu y la Conseyería d'Infraestructures la situación que vive la parroquia sierense.

Los cambios na señalización de La Collá llevaron a esta organización a poner una quexa formal a estes dos alministraciones, la primera como responsable "de tar vixilante y facer cumplir de la llexislación nel so territoriu", y la segunda, de la instalación y mantenimientu de los cartelos. Los qu'había na AS-248, cola toponimia derogada, quitáronlos, mentes los que se dexaron siguen siendo incorreutos.

"La señal de la carretera onde apaecía'l topónimu yá derogáu 'La Collada' foi eliminada, pero nun se sustituyó por una señal nueva, quedando ensin señalar la entrada a la parroquia de La Collá, siendo ésti'l topónimu oficial", espliquen dende Iniciativa pol Asturianu. Mentes, "les dos señales del llugar de Güergu, perteneciente a la parroquia, apaecen de forma incorrecta como 'Güergo'", añaden.

Poro, demanden "la instalación de les nueves señales, dando cumplimientu d’esta manera a la Llei 1/1998 y a la toponimia oficial aprobada, d’acuerdu col decretu 104/2009  del BOPA de 29 de xunetu d’oficialización de la toponimia del conceyu de Siero".

Contador Estadistiques