Enrique Fernández y José Manuel Rodríguez 'Lito' son los senadores nuevos pola Xunta Xeneral

El socialista y el popular sustitúin en Madrid a María Jesús Álvarez González y María Mercedes Otero, entrambes del PSOE.

El Plenu de la Xunta Xeneral celebráu güei votó y aprobó les candidatures d'Enrique Fernández Rodríguez y José Manuel Rodríguez González 'Lito' como senadores por designación autonómica. El primero tuvo 19 sofitos y el segundu, 17, con 7 votos en blanco nos dos casos.

D'esta forma l'ex conseyeru d'Industria, Emplegu y Promoción Económica, que va dexar l'acta de diputáu na Xunta Xeneral y dar pasu a Jacinto Braña, y el vicesecretariu d'Organización del PP y presidente de la formación en Mieres van incorporase na Cámara Alta como representantes del país xunto a los que salieron de les urnes el 23-X. Son los populares Pablo González Menéndez, María Teresa Mallada y José Manuel Fernández Díaz ‘Chami, y la socialista María Fernández Álvarez.

Fernández Rodríguez, diputáu nuevu

Na sesión d'esta mañana tamién tuvo llugar la toma de posesión del socialista Ricardo Fernández Rodríguez, que sustitúi a Concepción Saavedra. La conseyera de Salú nueva arrenunció al escañu pa centrase nes sos funciones dientro'l Gobiernu.

Na semeya, un momentu de la votación, que se fixo n'urna.