Empate nel Conceyu Abiertu sobre’l conflictu vascu

El futuru del conflictu vascu sigue planteando munchos interrogantes y postures estremaes. Un exemplu ye’l empate nel Conceyu Abiertu d’ASTURIES.COM ente los que creen nun futuru pacíficu y siguir na situación d’anguaño.

Con un empate del 30% de les respuestes, los llectores d’esti mediu defendieron que’l conflictu vascu “va siguir per víes pacífiques, ensin ETA y cola izquierda abertzale llegalizada” y otru tantu argumentaron que “va siguir como hasta agora porque hai munches partes interesaes en que seya asina”.

Per otru llau, a un 24% de los llectores da-yos igual porque opinen que “son temes que nun afecten a Asturies” y otru 16% planteó que nun existe nengún conflictu vascu, sinón que “namás hai unos terroristes que maten”.
 
Yá se pue votar nel nuevu Conceyu Abiertu sobre la llingua asturiana y los Premios Príncipe.