Eleiciones xenerales: episodiu II

Seis meses depués, los asturianos tornen a votar a los sos representantes nel Congresu y nel Senáu. El fracasu nes negociaciones pa la formación de Gobiernu obliga a repetir esta cita coles urnes, con récor de pidimientos pa votar per corréu.

N'Asturies pidiéronse 38.186 solicitúes pa exercer el derechu de votu eper vía postal frente a las 17.475 del 20-A, razón que s'esplica nel entamu del periodu vacacional. El total d'asturianos que tán llamaos a les urnes ye de 982.827, 2.249 menos qu'hai seis meses. D'ellos, 110.609 residen nel estranxeru.

Les encuestes nun pronostiquen cambios nel resultáu por Asturies, con 3 escaños pal PP-Foro, 2 pa la coalición Xuníos Podemos y pal PSOE, y 1 pa Ciudadanos. Les candidatures que se presenten al Congresu por Asturies pal 26 de xunu, y el so respeutivu cabeza de llista, son les siguientes: PP-Foro, con Susana López Ares; PSOE, con Adriana Lastra; Xuníos Podemos, con Sofía Fernández Castañón; Ciudadanos, con José Ignacio Prendes; PACMA, con Carmen Anes; Escaños en Blanco, con Armando Alfonso Rodríguez Fidalgo; VOX, con Ana Isabel Valdés; UPyD, con Pablo López García; PCPE, con José Iván Fernández Andrade; Partido Humanista, con José Antonio López Gómez; Recortes Cero-Grupo Verde, con María de las Mercedes de la Torre; y Partido Unionista Estado de España (PUEDE), con Juan José Bolado Moyano. Ésta formación última nun se presenta pal Senáu.