Electra Norte atiende los primeros clientes domésticos

El día 6 de febreru Electra Norte, la filial pa enerxíes renovables d'Electra del Carbayín, atendió a los primeros clientes domésticos que se cambiaron de compañía tres la lliberalización del mercáu eléctricu qu'entró col añu 2.003. La modesta eléctrica asturiana pue que seya la primera en tol estáu en contratar con clientes domésticos, primero incluso que les grandes Endesa o Hidrocantábrico, que nun tan moviéndose nesti mercáu que sigue cásique paráu mes y mediu depués d'entamar la lliberalización. Delles son les causes d'esti parón, col que yá se contaba en cuantes que'l decretu llibealizador llegó per delantre de la realidá.La falta de regles pal xuegu en forma de llexislación y normatives concretes qu'esclarien los pasos a seguir por empreses y clientes suponen una torga grande pa qu'entame'l baille de contadores d'una compañía a otra, anque, de cualquier manera, los espertos yá avisaron de que diba ser difícil que los clientes cambiaren en masa de suministrador énte la falta d'ufiertes económiques por parte de les compañíes, que dicen que ye mui difícil baxar el preciu de la corriente. Ye por ello que tien más méritu de lo que pueda parecer el qu'una empresa pequeña como Electra tea de moviéndose como ta faciéndolo nesti marcu que llama más al inmovilismu qu'a otra cosa. La eléctrica sierense xuega nesti ermu cola baza de la corriente verde: La compañía comprométese a que cada kilowatiu que gaste quien contrate con Electra va salir de fontes renovables y non-contaminantes, y pa ello tien en preparación un parque eólicu en Bual de 6 mw de potencia y 7 molinos, una escala muncho más pequena que la de los grandes parques de más de venti xeneradores. Como complementu a esti parque, Electra Norte mercó tarrén en Bual pa una plantación d'árboles autóctonos asturianos onde va ponese ún árbol por cada cliente nuevu como "regalu de bienvenida".