El xueves ye’l día caberu pa matriculase nel cursu d’asturianu p’adultos qu’entama’l Conciyu Ḷḷena

Esti xueves va zarrase’l plazu d’inscripción pal cursu d’asturianu qu’entama’l Conciyu Ḷḷena p’adultos. Les clases van tener llugar los llunes y miércoles n’horariu de 17 a 19 hores y va poneles Penélope Miranda, responsable del SNL.

El cursu, que se promociona baxo’l lema ‘¡Qué nun te coma la llingua’l guetu!’, tien una duración de 30 hores, nes que los alumnos van facer “un percorríu por cuestiones xenerales como la sociollingüística asturiana, la historia de la llingua asturiana y les variantes dialectales, centrándose na variedá del conciyu, amás de les nomes ortográfiques”, espliquen dende’l Serviciu de Normalización Llingüística del Conciyu Ḷḷena. El llugar onde van desendolcase les clases ye la Casa de Cultural de La Pola Ḷḷena.

La xente interesao n’averase al idioma del país pueden facelo hasta mañana na propia sede del SNL, na cai Marqués de San Feliz númberu 2, o al traviés del corréu electrónicu normastur@aytolena.es y el númberu de teléfonu 985.49.76.08. Les clases van principiar el llunes próximu.