El XI Alcuentru cola Cultura Tradicional mira pa la tradición flamenca

|
Cartelu XI Alcuentru cola Cultura Tradicional

Vezos Astures convida a la sevillana Reyes León pa dar a conocer el raigañu d'esti folclor.

Llega payares y Xixón torna a mirar hacia la tradición y el baille propiu y el d'otros países del Estáu cola iniciativa Alcuentru cola Cultura Tradicional. Nesta ocasión, el Conceyu de Cultura Tradicional Vezos Astures pretender dar a conocer la flamenca frente al flamencu académicu con una conferencia y un taller abiertu al públicu "pa deprender del mou más tradicional esti folclor que dende'l norte munches vegaes entiéndese artificial y espectacular".

León va ser la encargada d'ello nel Muséu del Pueblu d'Asturies xunto col guitarrista Alberto Rodríguez. La charra va tener llugar al meudía baxo'l nome de 'La raíz popular del flamenco', mentes que la clase práutica va ser a les 16.30 hores.

Un día, enantes, Xosé Antón Fernández 'Ambás' va protagonizar tamién una conferencia. Ésta va celebrase a les 19.30 hores nel Centru Municipal Integráu de L'Arena col títulu 'Arrezos, fórmules y esconxuros na tradición asturiana', "una manera afayaíza d'averanos a estes tradiciones, guiaos y guiaes por esti estudiosu de llarga trayeutoria y ún de los meyores conocedores de l'Asturies escaecida", apunta la organización.

Hasta'l miércoles pa la espicha

Como ye vezu, una espicha va servir pa zarrar l'Alcuentru cola Cultura Tradicional, na que tampoco nun falta la música. Ésta va tener llugar el sábadu a les 21 hores nel Llagar de Castiello.

El so preciu ye de 25 euros, de 10 pal menú infantil, y p'acutar plaza ye necesario contautar al traviés del WhatsApp col númberu 634 52 97 16 o pel corréu electrónicu alcuentros@vezosastures.com hasta'l miércoles.

Contador Estadistiques