El votu emigrante fai del PSOE la fuerza más votada con un 42% de porcentaxe

El PSOE convertióse nel partíu más votáu dempués del recuentu del votu emigrante a les elecciones asturianes del 27 de mayu . Los 9.140 votos que-y llegaron al PSOE dende la diáspora xubieron el númberu de sufraxos socialistes a 252.219 que suponen el 42% del total de votos. El PP, pela so parte, amestó menos de la metada de votos emigrantes a los sos resultaos que los socialistes, 4.232 que dexaron al partíu d'Ovidio Sánchez con 248.487 votos que suponen el 41,4%. La tercer fuerza más votada n'Asturies, IX-BA-LV, namás atropó 697 votos ente la emigración. El resultáu nun alteria'l repartu d'escaños en parlamentu, anque'l PSOE quedó a namás 250 votos de llograr un escañu más por cuenta del PP, un resultáu que de dase supondría la repitición del del 2003. Sicasí, el PSOE, con convertise na fuerza más votada, nun ye a superar el resultáu del PP na circunscripción central. La participación de la emigración asturiana nel procesu superó la d'otres convocatories, con 15.157 papeletes unviaes.