El VIII Festival Rebolleres Rock presenta'l cartelu definitivu

Lendakaris Muertos completa'l cartelu del VIII Festival Rebolleres Rock, que va celebrase en Candás el 16 de xunetu. Xunto a los navarros van participar los grupos asturianos Skama la Rede, La Tarrancha, Desakato y Rock'n'Guaḥes.

Pese a los problemes qu'atopó l'Ensame Xuvenil Trisquel pal entamu d'esta edición por mor de la postura caltenida pol Conceyu de Carreño al nun confirmar la subvención pa esti 2016, tal como venía faciendo n'años anteriores, l'apoyu popular fixo que la octava edición del Rebolleres sía una realidá. Mediante una cuestación pela rede esti coleutivu algamó 2.065 euros qu'aseguraron una base económica pa trabayar na organización del festival y que compensa la baxada na ayuda definitiva dada pol ayuntamientu, un 30 por cientu menor que nel 2015.

Sicasi, ésti va celebrase'l sábadu 16 de xunetu nel prau Gervasia con un cartelu de primer nivel dientru la escena rock estatal.Asina van actuar Lendakaris Muertos y Desakato, el grupu asturianu que más ta dando de falar fuera de les nueses llendes. Completen el cartelu Skama la Rede, La Tarrancha y los siempre prestosos Rock'n'Guaḥes.