El VIII Asturies Arde homenaxa a los mártires de Carbayín

|
Cartelu Homenaxe mártires de Carbayín

Una charra, un conciertu y la ellaboración d'un mural completen les actividaes.

L'Asturies Arde, xornaes de Nora Antifa que sirven d'alcordanza de les revolucionaries y revolucionarios d'Ochobre del 34, algama la so octava edición, na que va homenaxar a los mártires de Carbayín. Asina, el sábadu a les 12.30 hores, va entamase un actu nel cementeriu de Carbayín Altu –nel que collaboren Darréu y la Coordinadora Pueblos Contra el Fascismo– en recuerdu de les 24 persones asesinaes por guardies civiles la nueche del día 24 en Curuxona y enterraes na fosa común del campusantu.

Un día enantes, el vienres, la historiadora Marta Fernández García va poner la charra 'Les muyeres na militancia antifranquista' nel Llar El Matadero a partir de les 20 hores. Nesi mesmu llugar va facese un mural d'homenaxe a los mártires de Carbayín.

El sábadu, a les 20 hores, esti espaciu de La Pola Siero va acoyer el tradicional conciertu Asturies Arde, que va contar coles actuaciones del grupu vascu Boot Boys y de los asturianos Sartenazo Cerebral, Ely Swing y Sydius.

Recoyida d'alimentos

Mientres les dos xornaes, El Matadero va dedicar un espaciu pa la recoyida d'alimentos non perecederos que va destinase a la despensa de Paraos y Precarios d'Asturies.

AdxuntuTamañu
Image icon Cartelu-programa VIII Asturies Arde82.91 KB
Contador Estadistiques