El VII Sol Celta programa más de 35 conciertos

|
Dixebra nel VI Sol Celta

Avilés abre’l branu mirando hacia l’Atlánticu cola sétima edición del festival Sol Celta. Dende’l llunes y hasta’l domingu los trés escenarios del certame van acoyer más de 35 conciertos, a los qu’hai que sumar el mercáu y otres munches actividaes, como un cursín d’iniciaciación a la llingua asturiana.

L’Asociación Cultural Ventanilla 69 sigue fortaleciendo añu tres añu esti festival que tien como epicentru la zona de la villa asitiada ente la cai del Sol y La Ferrería y les places Alfonso VI y Carlos Lobo. Conciertos, teatru, animación infantil, xuegos tradicionales, danza, pasucais y un cursu de llingua conformen el programa d’estos siete díes, a los que s’axunta el traicional mercáu.

Ente la presencia de músicos internacionales destaca l’irlandés Paul Dooley, referencia mundial del harpa, y el famosu flautista bretón Sylvain Barou. A ellos hai que sumar una esbilla de lo meyor de la música asturiana, con Caldo y Os Rabizos, José Manuel Tejedor, Corquiéu, LR, Ruben Bada Quartet o los gaiteros Bras Rodrigo y Xuacu Amieva, ente otros, y la presencia dende la vecina Ḷḷaciana de D’Urria.

Otra manera, como novedá d’esti Sol Celta, va ponese un cursín d’iniciación al asturianu. Ésti va tener llugar de llunes a vienres al meudía nel Palaciu de Valdecarzana.

Na semeya, actuación de Dixebra mientres el Sol Celta del añu pasáu.

AdxuntuTamañu
Image icon Programa VII Sol Celta128.32 KB
Contador Estadistiques