El veranu ye lliterariu en Corvera

|
Cartelu Veranu Lliterariu 2019

El ‘Veranu Lliterariu’, actividá que permite a la reciella tener contautu colos autores de les sos histories favorites, torna un xunetu más. La Biblioteca de Les Vegues acueye tolos llunes d’esti mes y d’agostu esta iniciativa de baldre entamada pola Casa de la Llingua de Corvera.

La cita ye siempre a les 11.30 hores y tien un llargor d’una hora. Nesti tiempu los escritores cuenten una de les sos producciones lliteraries a los rapacinos nunos alcuentros que poles sos carauterístiques dan en ser distintos y únicos.

La llectura de les histories suel vese acompañada d’otres actividaes más, como pueden ser pintar, xuegos de memoria o canciones. Una esperiencia bien prestosa que tien como oxetivu servir d’animación a la llectura de lliteratura infantil n’asturianu.

L’encargáu d’abrir esti VIII ‘Veranu Lliterariu’ foi’l corveranu Berto García, al que van siguir otros escritores de destacada trayautoria como Iris Díaz (llunes), Xurde Fernández (día 15), María Esther García (22), Daniel García Granda (29); Rafa R. Valdés (5 d’agostu); Adolfo Camilo Díaz (12 d’agostu), Xesús González Rato (19 d’agostu) y Vitu Pintado (26 d’agostu).

Contador Estadistiques