El turismu estranxeru aumentó un 14 por cientu nel primer cuatrimestre

39.355 persones de fuera del Estáu agospiáronse n'hoteles del país.

En total, fixeron nueche n'establecimientos hoteleros asturianos 368.863 persones ente xineru y abril, que xeneraron 683.386 ocupaciones, según los datos espublizaos pol Institutu Nacional de Estadística (INE). Estes cifres suponen una medría del 3,6 por cientu en viaxeros y del 4,1 por cientu en nueches d'hotel con respeuto al mesmu periodu del añu pasáu.

L'incrementu del turismu estranxeru mentes foi del 14 por cientu. Esti sector ye precisamente ún de los que más ta tratando de trabayar el Gobiernu, con promociones fuera del Estáu, presencia en feries y invitaciones a profesionales de medios de comunicación especializaos en viaxes.