El TSXA absuelve a los 'nueve del Xovellanos'

|

Por irregularidaes nel atestáu policial.

Los nueve acusaos polos incidentes cola Policía del 24 de xunetu del 2014 momentos enantes de l'actuación d'un grupu de danza israelí, Sheketak, nuna época de bombardeos a la población palestino en Gaza, nun van tener qu'afrontar los quince años que solicitaba la fiscal por supuestu delitos de lesiones y atentáu contra l'autoridá. Les irregularidaes nel atestáu policial y el fechu de que nun resultara probáu la intervención delictiva nos fechos de los 'nueve del Xovellanos', ente los que taben l'actual diputáu de Podemos Enrique López Hernández y l'ex conceyal d'IX Jesús Montes Estrada 'Churruca' –que resultó feríu–, faen que'l Tribunal Superior de Xusticia d'Asturies (TSXA) resuelva la so absolución.

Precisamente esta tarde, López Hernández va participar nuna mesa redonda entitulada 'Palestina: de la ONU al Tribunal Superior de Justicia de Asturies' entamada poles Asamblees d'Estudiantes de la Universidá d'Uviéu. Va ser a les 19 hores nel Edificiu Históricu y nél tamién va tomar parte Javier González Vega, caderalgu de Derechu Internacional Públicu, y Francisco Erice, profesor titular de Historia Contemporánea.

Contador Estadistiques