El TS impón el castellán como llingua vehicular na enseñanza catalana

El Tribunal Supremu ordenó a la Generalitat de Cataluña llevar adaptar el so sistema d'enseñanza a la "nueva situación creada" pol fallu sobre l'Estatutu, que considera'l castellán como "llingua vehicular" nos centros docentes de la comunidá.

L'altu tribunal adopta esta decisión en trés sentencies de la Sala de lo Contencioso-Alministrativo que respuenden a les demandes que realizaron los padres de dellos alumnos que reclamaben que'l castellán se "reintroduxere como llingua vehicular de forma proporcional y equitativa en relación al catalán en tolos cursos del ciclu d'enseñanza obligatoria" y pidíen que toles "comunicaciones, circulares y cualquier otra documentación" del centru, tanto oral como escrita, se-yos eviaren en castellán, d'acordies a la cooficialidá d'ambes llingües.

El Supremu afirma qu'hai que preguntase pola llingua "habitual" que los padres d'alumnos quieren pa los sos fíos y estima asina los recursos interpuestos por dellos proxenitores contra delles resoluciones emitíes nel 2006 pola Conseyería d'Educación.