El trunfu del ‘non’ nel referéndum d’Alba nun sorprendió a los llectores d’Asturies.com

El resultáu del referéndum pola independencia d’Alba foi l’esperáu polos usuarios d’Asturies. El 55 por cientu de los llectores que participaron nel nuesu ‘Conceyu Abiertu’ contaben col trunfu del ‘non’.

Un 55,3 por cientu de los votantes escoceses optó por caltener la xunión por Londres, por un 44,7 por cientu que prefería la dixebra del Reinu Xuníu. La diferencia en númberu de votos ente’l ‘non’ y el ‘sí’ foi de 383.937 sobre un total de 1.617.989, con una participación del 84,48 por cientu. Estos resultaos nun sorprendió al 55 por cientu de los nuesos llectores, que contaba col trunfu del ‘non’, por un 39 por cientu que prevía la independencia d’Alba. Mentes, un 7 por cientu caltenía duldes.

Dende esti momentu yá ye posible participar nun ‘Conceyu Abiertu’ nuevu. Tres la detección d’un casu d’ébola na Comunidad de Madrid, el primeru que se da fuera d’África, queremos conocer si los nuesos usuarios tán esmolecíos por un posible brote de la enfermedá.