El Tribunal Supremu anula’l títulu de grau a les enseñances artístiques

Una sentencia del Tribunal Supremu impide que les escueles d’enseñanza artística puedan utilizar la denominación de grau pa los sos estudios. D’esta forma, resuelve una demanda presentada por delles facultaes de Belles Artes.
 
N’Asturies, los afectaos por esta decisión del Supremu son la Escuela Superior d’Arte d’Avilés, la Escuela Superior d’Arte Dramáticu de Xixón y el Conservatoriu Superior de Música Martínez Torner d’Uviéu, que nun van poder vender les sos titulaciones como grau, como permitía un decretu-llei aprobáu hai dos años, anque na práutica nun va afeautar a los estudios d’estos centros, según confirmó a la prensa’l direutor de la escuela d’arte avilesina, Roberto Crespo. Asina, van poder siguir cursando posgraos y másteres, y presentase a oposiciones.
 
La situación nueva que se da tres la sentencia del tribunal ta provocando la movilización de los alumnos y alumnes d’estos centros, que reclamen que los sos estudios sían declaraos como graos. Asina, n’Avilés celebróse una asamblea pa organizase y dar a conocer la so reivindicación.