El Trasno zarra n'Uviéu la xira del Premiu al Meyor Cantar

La Banda Gaitas El Trasno actúa esti vienres nel Teatru Filarmónica d'Uviéu. Ye'l conciertu que zarra la xira del VIII Premiu al Meyor Cantar, que los de Cuaña ganaron col tema 'Volviche'.

Tres pasar per Avilés, Tapia y Candás, l'agrupación dirixida por Javier Tejedor ponen el ramu a la xira organizada pola Conseyería d'Educación, Cultura y Deporte como recompensa pol gallardón con esta actuación de baldre n'Uviéu prevista pa les 20.30 hores. Nella va sonar ‘Volviche’, meyor cantar del añu 2013, que tien lletra de Xosé Miguel Suárez Fernández ‘Tapia’ en fala y voz del cantante del grupu xixonés Maurizios, Kike Dembinsky.