El Trasno, Tuenda, Llangres, Tejedor y Latira, cartel de lluxu pa la XXVIII Noite Celta de Porcía

El Alameda de Porcía va acoyer una edición nueva de la Noite Celta más veterana d’Asturies. La Banda de Gaitas El Trasno, Tuenda, Llangres, Tejedor y Latira componen el cartel d’esta folixa que cumple 28 años.
 
A Noite Celta de Porcía va dar aniciu a les 22 hores nel mesmu llugar máxicu onde tocaron xente del renome de Manolo Quirós y Beleño; los irlandeses Tamalin y David Munnelly Band; los escoceses Miró, Fred Morrison y Tannahill Weavers; los bretones D’jboubep; y los gallegos Luar na Lubre, ente otros, amás de tolos grupos folk asturianos de nivel. L’Asociación Cultural Alameda ye’l coleutivu que s’encarga de que’l conceyu d’El Franco reciba visitantes de tolos puntos d’Asturies pa disfrutar d’una de les folixes referencia del branu.
 
La Banda de Gaitas El Trasno, Tuenda, Llangres, Tejedor y los astur-bretones Latira van ser los responsables de poner banda sonora a la vixésimoctava edición de la Noite Celta. Como ye vezu, los organizadores van preparar sardines na chapa pa tolos asistentes a esti festival.