El Tenerife, rival del CD Lealtad en Copa

|
Javi Porrón bola CD Lealtad primer ronda de Copa

L'Uvieu y el Sporting tienen viaxes curtios, a Torrelavega y Beasain, de manera respeutiva.

El porteru del CD Lealtad Javi Porrón foi la persona convidada pola Real Federación Española de Fútbol (RFEF) pa sacar les boles de los equipos de Tercera RFEF nel sortéu d'esta mañana de la primer ronda de la Copa. Garró la del so equipu la penúltima, lo qu'impidió que per Les Caleyes pase un Primera División la fin del selmana del 13 de payares.

Finalmente'l rival del equipu maliayu va ser el Tenerife, cola casualidá de que'l so capitán, l'ex xugador del Uviéu Aitor Sanz, foi la persona que sacaba les boles del bombu correspondiente a los equipos de Segunda División. L'equipu canariu, que la temporada pasada clasificó pa les eliminatories pol ascensu al acabar quintu, quedó elimináu na fase final pol Girona.

Rivales de Segunda RFEF

L'Uviéu y el Sporting yeren posibles rivales del CD Lealtad, anque finalmente van cruciase con conxuntos de Segunda RFEF, cola fortuna de contar con viaxes curtios. Los azules van enfrentase a un clásicu como la Gimnástica de Torrelavega, mentes que los roxiblancos van percorrer unos pocos quilómetros más hasta Gipuzkoa, en concreto a Beasain, onde'l filial algamó'l so ascensu últimu a la desapaecida Segunda División B.

Los cántabros nun van ser unos desconocíos pal Uviéu, yá que tán nel mesmu grupu que'l Vetusta, ocupando la sesta plaza con 13 puntos, a 5 del líder Arenteiro. Mentes, el Beasain, del grupu 2, ocupa'l puestu decimoterceru, con 10 puntos, 1 perriba del descensu que marca la Mutilvera.

 

Contador Estadistiques